Renovados os datos aportados pola Dirección Xeral de Saúde Pública da Consellería de Sanidade, a área sanitaria de Ferrolterra conta cun total de 89 pacientes infectados pola Covid-19, doce máis que onte e cunha preocupación social en aumento, xa que se espera que nesta semana ou a comezos da seguinte o número de afectados polo virus chegue ao centear.
No que respecta a área sanitaria de Ferrolterra, xa se levan realizadas 23.263 probas PCR en búsqueda de máis posibles contaxios, tanto no Arquitecto Marcide, coma nos puntos móviles do Novoa Santos como a domicilio, dentro do Plan de Atención Temperá do CHUF
Novos casos en Navantia
Tras coñecerse esta misma semana o contaxio de dous traballadores de Navantia -un pertencente ao estaleiro de Fene e outro ao de Ferrol- as malas novas dende dentro da factoría naval non cesan. Hoxe mesmo informaban dende a empresa pública da amplicación do número de contaxiados a 4 tras coñecerse dous novos casos.
O primeiro deles é un operario da empresa auxiliar KAEFER que traballa en Reparacións, e tal e como afirma o Comité de Emerxencia xa se tiña constancia dende a fin de semana pasada, polo que se confinaran 15 compañeiros, aínda que xa hai 13 negativos e dous resultados á espera de saberse.
Por outra banda, o segundo caso positivo deuse no almacén de Navantia, o cal descubriuse onte mesmo polo que inmediatamente están en aislamento domiciliario 4 traballadores que mantiveron un contacto próximo co infectado. A maiores, tamén hai outras 4 persoas confinadas á espera da realización das probas PCR, un pertencente á empresa SIASA, un da F.P. Dual, un da área de Loxística de Montaxe e outro de Turbinas.
Polo momento e a pesar do gran aumento de casos positivos, Ferrol mantén os seus centros hospitalarios libres posto que todos os afectados só sufren síntomas leves e non necesitan asistencia médica. Na área sanitaria de Ferrolterra xa son 590 casos non activos ou curados, e 33 persoas perderon a vida.
