O Destacamento da Agrupación de Tráfico da Garda Civil de Ferrol investigou a dous condutores como presuntos autores de varios delitos contra a seguridade viaria.
Sen cinto, sen permiso de conducción e positivo en alcohol
Os feitos ocorreron na estrada N-651, no termo municipal de Fene, cando efectivos da mencionada Unidade observaron a un vehículo cuxo condutor non levaba abrochado o dispositivo de retención obrigatorio. Os axentes detivéronno para notificarlle a infracción, e ao comprobar a documentación verificaron que a vixencia do seu permiso de condución fora retirada por unha resolución xudicial firme.
Posteriormente realizáronlle as probas de detección de condución baixo a influencia de bebidas alcohólicas, arroxando un valor de 0,68 MG/ L en aire expirado e de 0,75 MG/ L na segunda. A Garda Civil procedeu á investigación desta persoa, como presunto autor de dous delitos contra a seguridade viaria e á incautación do vehículo, polo que o presunto autor dos delitos tivo que avisar a outra persoa para que o recollese.
Outro positivo en alcohol ao recoller ao primeiro infractor
Ao pouco tempo presentouse no lugar un vehiculo para recoller ao investigado e, ante os síntomas evidentes que presentaba a súa condutora de atoparse baixo a influencia de bebidas alcohólicas, os efectivos do Destacamento realizáronlle as pertinentes probas de detección, arroxando un valor de 0,62 MG/ L en aire expirado na primeira e de 0,60 na segunda, polo que se procedeu á súa investigación como presunta autora dun delito contra a seguridade viaria.
Os investigados, xunto cos efectos incautados e as actuacións realizadas, foron postos ao dispor do Xulgado de Instrución de garda de Ferrol.
