O espectacular entorno das Fragas do Eume, ó seu paso polo Concello de A Capela, converteuse por cuarto ano consecutivo no escenario dun dos eventos deportivos con máis repercusión de toda a comunidade galega: o Trail Mosteiro de Caaveiro.
Unha proba que, a pesares de ter que cambiar o seu circuito no último momento a causa do mal tempo, contou cuns seiscentos participantes entre os competidores do trail longo (arredor de 27 quilómetros ), o trail curto (14,5 quilómetros) e a andaina considerada non competitiva.
No trail curto os gañadores na categoría absoluta foron Romina Reimondo e Brais Otero, mentres que o primeiro posto entre os corredores veteranos foi para Vanesa Casas e David Cano. No circuito longo conseguiron coronar o podio Carla Trillo e Marcos Trelles, e entre os veteranos os primeiros postos foron para Mercedes Margareto e Julio Esmorís.
Os máis vellos e os máis novos da competición tamén recibiron os seus premios: nas categorías de “Corredor máis xoven”, Carlos Fernández e Ana Bort, e na de “Corredor de máis idade”, Ramón Bellas e Virginia Jiménez.
