As Pontes facilitará aos alumnos as tarefas escolares impresas

Con esta medida o goberno local quere evitar que se produza unha fenda educativa no municipio por mor do parón escolar
2_coronavirus_art_10-consejos-niños

O Concello das Pontes, con motivo da suspensión das clases nos centros educativos do municipio, debido á declaración da alerta sanitaria e do estado de alarma, puxo en marcha un servizo de balde de impresión de tarefas escolares para evitar a fenda académica entre o alumnado do municipio.

A responsable do departamento de Benestar Social, Tania Pardo, apunta que “a partir do 16 de marzo, o alumnado comeza a recibir nas súas casas, a través de diferentes plataformas dixitais, os contidos educativos. Somos coñecedores de que existen familias no municipio que non teñen os recursos tecnolóxicos precisos para continuar co curso escolar nos seus fogares, ben por que non teñen ordenador na casa, por que non teñen acceso a Internet ou mesmo por que os datos de navegación dispoñibles nos fogares son insuficientes, polo que tratamos de buscar unha alternativa que lles permita, na medida do posible, non perder o curso escolar”

A través desta iniciativa, en coordinación coas direccións dos diferentes centros educativos, facilítaselles ás familias máis vulnerables, sen acceso aos contidos educativo, o material de forma impresa.

Os técnicos do departamento acceden as páxinas web do centros, imprimen os deberes e todas aquelas familias que o precisan, sempre con cita previa, acoden ata o departamento de Benestar Social, na Casa Dopeso, a recoller as tarefas escolares correspondentes.

A media que o profesorado publica nas plataformas educativas dos seus centros escolares as tarefas, vanse imprimindo para que o alumando non perda o ritmo escolar “aínda que somos conscientes da enorme dificultade que iso supón tanto para eles e elas como para as súas familias” remarca Tania Pardo.

Publicidad
Publicidad
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.