O Concello de Pontedeume informou de que hoxe pola noite haberá cortes de auga polas obras que se están facendo para renovar a rede xeral de abastecemento de auga, ao seu paso pola parroquia de Nogueirosa. Os cortes de auga, desde as 22.00 horas de mañá ás 06.00 horas do xoves, afectarán ás parroquias de Nogueirosa, Ombre, as zonas altas de Boebre e as zonas altas do casco urbano.
As obras na rede que se levan a cabo son para a substitución dun tramo da actual condución de fibrocemento duns 600 metros por outra de fundición. Mañá pola noite haberá traballos de conexión entre os tramos da nova condución, polo que son necesarios os cortes de auga.
