Pontedeume acollerá o próximo 2 de marzo o ‘XXII Concurso de Cociña e Coctelaría Memorial Fraga do Eume’. O concurso, que se celebrará no CIFP, naceu no ano 2000 como homenaxe a un profesor do centro falecido o ano anterior e que lle deu nome o evento (José Rodríguez Moldes Rey) hasta a data.
A cita converteuse nunha xuntanza tradicional de todos os centros de hostalería de Galicia e norte de Portugal e consta de dúas modalidades. No apartado de cociña, este ano continúase coa dinámica nova na que os participantes deberán realizar unha elaboración creativa empregando Corvina, Alga Codium e touciño de porco Celta, xunto con unha lista de ingredientes pechada , facilitada pola organización .Así mesmo tamén deberán elaborar unha tapa a partires destes mesmos ingredientes O alumnado formarán parella representando aos centros invitados e realizarán as citadas elaboracións, que serán sometidos á degustación dos membros do xurado.
No apartado de coctelaría o concurso en dúas modalidades. Unha de coctelaría clásica, a proba o concurso valorará a destreza e técnica dos participantes, a partir de un receitario internacional de coctelaría e outra modalidade de coctelaría creativa, onde os participantes deberán crear un cóctel que obrigatoriamente deberá incluir o Vodka green mixology como base alcohólica, e zume de arándanos granini como base tonificante.
Ó remate do concurso, como ven sendo habitual, celebrarase un xantar ao longo do cal terá lugar a proclamación de gañadores e a entrega de premios. O xurado de cociña estará composto por un total de 7 membros, 5 que formarán parte do tribunal gastronómico e 2 no tribunal técnico.
