O vindeiro mércores, 4 de marzo, de 09.45 a 13.00 horas, a Asociación de Autónomos e Pequenas Empresas de Galicia (APE GALICIA) coa colaboración da Asociación de Empresarios Ferrolterra (AEF) organizará en Ferrol, no salón do Sercotel Odeón, a xornada titulada «Claves para impulsar o emprego autónomo en Galicia». Será inaugurada polo director xeral de Orientación Laboral, Pablo Casal Espido, e contará, ademáis, coas ponencias de Miguel Vázquez Taín, presidente do Consello de Economistas de Galicia e Anabel Fernández, avogada laboralista, que disertará sobre fiscalidade, cotizacións, prestacións e outras materias.
En canto á información sobre as liñas de apoio e resto de novidades relativas ao colectivo autónomo, estarán a cargo da directora xerente da Fundación Pública Galega da Formación para ou Traballo, Rosanna López Salgueiro e Juán Lirón Lago, subdirector xeral de Emprego da Xunta de Galicia.
Tras a pausa para o café, organizarase unha mesa de debate á que se unirán dúas persoas emprendedoras autónomas, con empresas funcionando en Valdoviño e Narón, e na que os asistentes poderán intervir nunha rolda de preguntas que moderará Miguel Souto Fraga. A secretaria xeral de Emprego da Xunta de Galicia, Covadonga Toca Carús, pechará esta xornada de grande interese para autónomos e pequenas empresas.
Para asistir a este encontro, é necesario inscribirse, posto que o aforo é limitado. Os interesados poden facelo no teléfono 981 333 305 ou ben enviando un email a [email protected].
