O Concello de Mugardos retomou no de hoxe os traballos de mellora no alumeado público, logo de terse retrasado a causa das limitacións nos traballos que impuxo o estado de alarma a causa da pandemia do COVID-19. Esta primera fase estanse a realizar no casco urbano de Mugardos alcanzando as rúas Casás, Areosa, Casas Baratas, O Cristo e Pedrosos, e unha primeira intervención (que posteriormente será ampliada) na Avenida do Seixo.
As obras iniciadas, por importe superior aos 230.000 euros financiadas polo Concello de Mugardos e fondos FEDER co IDAE, consisten na sustitución de luminarias, cadros de luz e mellora das instalacións. Desde o goberno local explicaron que confian en «rematar canto antes os traballos que darán por fin solución aos numerosos problemas de avarías do sistema de alumeado público municipal”.
A segunda fase, cun orzamento de 244.261 euros e centrada íntegramente na parroquia do Seixo (Bello Piñeiro, Coruto e Boado), iniciará a licitación próximamente, logo de estar xa aceptada a subvención; e a terceira e última das fases deste plan integral de mellora do alumeado público mugardés con actuacións previstas na parroquia de Franza e no resto do territorio municipal xa ten rematado o proxecto e está á espera da nova convocatoria para a súa presentación.
