A sangría de empregos continuou nas comarcas de Ferrol, Eume e Ortegal durante o mes de abril a maior ritmo que o fixera en marzo. Segundo os datos do Servizo Público de Emprego Estatal, as comarcas acumularon ao peche do terceiro mes 13.741 demandantes de emprego, o que supón 1.126 desempregados máis que en marzo e se traduce nun aumento do 8,9%.
Por comarcas, a de Ferrol rexistrou 922 novos parados (un 8,57% máis), o Eume subiu en 152 desempregados (un 12,33%) e no Ortegal se destruiron 52 empregos (8,31%). A variación interanual de parados no conxunto das comarcas, que mantiña unha tendencia á baixa dende o 2014, subiu este mes de abril en 1.708 persoas.
A alta temporalidade do sector servizos e a cancelación de varios eventos transcendentais na xeración de emprego para a comarca están arreciando os efectos colaterais da crise sanitaria nos concellos de Ferrolterra. Foron precisamente o comercio e a hostelería os que lideraron esta sangría de empregos na comarca con 691 novos parados, que supoñen máis da metade dos postos de traballo destruídos. Soamente na comarca de Ferrol perdéronse 569 traballos no sector servizos, 253 deles na cidade departamental.
| COMARCA | CONCELLO | MARZO | ABRIL | VARIACIÓN |
| EUME | CABANAS | 198 | 203 | 5 |
| A CAPELA | 48 | 51 | 3 | |
| MONFERO | 65 | 68 | 3 | |
| PONTEDEUME | 450 | 506 | 56 | |
| AS PONTES | 472 | 557 | 85 | |
| Total | 1.233 | 1.385 | 152 | |
| FERROL | ARES | 393 | 416 | 23 |
| CEDEIRA | 375 | 410 | 35 | |
| FENE | 802 | 903 | 101 | |
| FERROL | 5.203 | 5.587 | 384 | |
| MOECHE | 49 | 58 | 9 | |
| MUGARDOS | 368 | 407 | 39 | |
| NARÓN | 2.636 | 2.888 | 252 | |
| NEDA | 321 | 360 | 39 | |
| SAN SADURNIÑO | 154 | 166 | 12 | |
| AS SOMOZAS | 73 | 75 | 2 | |
| VALDOVIÑO | 382 | 408 | 26 | |
| Total | 10.756 | 11.678 | 922 | |
| ORTEGAL | CERDIDO | 51 | 57 | 6 |
| MAÑÓN | 52 | 51 | -1 | |
| ORTIGUEIRA | 327 | 362 | 35 | |
| CARIÑO | 196 | 208 | 12 | |
| Total | 626 | 678 | 52 |
