O talento industrial de Ferrolterra pode axudar a moitas moitas empresas e institucións de todo o mundo a retomar a normalidade neste contexto de crise sanitaria global. A firma naronesa Desinvirus desenvolveu dous produtos revolucionarios para a hixienización de persoas en centros laborais, hospitais, hoteis ou calquera tipo de recinto cun alto tránsito de persoas.
Un dos produtos, que recibe o nome de DesinBox, é unha cabina de desinfección fabricada sobre a base dun contedor industrial. A medida que os usuarios pasan a través da cabina, a unidade fai un control de temperatura de cada un deles e identifica a aqueles con máis de 37º graos de temperatura facendo soar unha alarma. A unidade tamén conta con puntos de desinfección de máns mediante con hidroalcohol e, ademáis, realiza unha ducha cunha solución cun biocida inocua a cada unha das persoas que circula a través da cabina.
Pero o seu produto estrela é DesinPro. Trátase dun arco, como os de seguridade de calquera aeroporto, dotado de nebulizadores e que polas súas dimensións pódense instalar na entrada de calquera recinto. Ao paso de cada cliente realiza unha ducha de Anolyte, unha sustancia inocua para as persoas e 100% biodegradable, pero eficaz para a destrucción de calquer virus, fungo, bacteria o xermen.
Segundo explica o responsable da empresa, Borja Gómez, comezaron a traballar nestre proxecto unha semana antes do estado de alarma ante a previsión dunha situación como a actual. Un equipo formado por técnicos e enxeñeiros da comarca -«somos 100% Ferrolterra», explica orgulloso Borja- desenvolveu este prototipo e rexistrou a súa patente.
O éxito foi absoluto e dende fai dúas semanas xa fabrican as primeiras unidades en Narón, en colaboración con outra empresa do polígono de Río do Pozo, e contan xa cunha producción de 300 unidades ao mes. «Actualmente temos pedidos en gran parte da rede hospitalaria española, en multinacionais de todo o país e incluso La Liga fíxonos varios pedidos«, comenta Borja Gómez. A demanda foi tal que tiveron que habilitar tamén unha segunda fábrica en Portugal e en breve iniciarán as exportacións cara Europa e América Latina, onde tamén contan con varios clientes.
