Tras anos onde a escultura situada fronte á Igrexa de San Paio acumulou sucidade, a Inmaculada volve lucir coma no 1956, ano onde o cambadés Francisco Asorey construiu a peza con motivo do Ano mariano.
A actuación que contou coa axuda da Xunta de Galicia cunha inversión de 18.000 euros, permitiu eliminar a sucidade, colonización biolóxica, manchas derivadas dos fumes de combustión, a erosión superficial e pequenas fisuras que foron formándose ao longo dos anos. Aínda que estas alteracións non comprometían de forma relevante a estructura, afectaron ao seu estado de conservación e a súa apariencia.
A Inmculada de Asorey foi adquirida moitos anos atrás grazas tamén a participación económica dos veciños da Estrada, de aí que ademais teña un valor moi especial para o lugar. A obra está incluida no Plan Xeral de Ordenación Municipal e constitúe un dos elementos máis recoñecibles da paisaxe urbana estradense e do patrimonio artístico local, tal e como recordou durante a inauguración da nova versión o conselleiro de Cultura, Lingua e Xuventude José López Campos.