A cantante Esmeralda Fernández, de Xinzo de Limia, continúa abríndose camiño no mundo da música coa súa participación en «The Voice Portugal», onde logrou captar a atención do recoñecido cantante portugués Fernando Daniel e de quen pasou a formar parte do seu equipo tras a súa actuación nas audicións a cegas do programa.
Anos de traxectoria musical culminan nunha gran oportunidade
A cantante leva anos vinculada á música e xa foi vista en diferentes programas e certames como «Recantos», do clásico Luar, ou «A liga dos cantantes», acumulando experiencia sobre os escenarios antes de afrontar este reto internacional. A propia artista destacou en publicacións compartidas nas súas redes sociais que a música forma parte esencial da súa vida e que leva anos traballando para converter a súa paixón nun proxecto de futuro. Ese esforzo vese agora recompensado coa oportunidade de competir un formato seguido por miles de espectadores en Portugal.
Un orgullo para Xinzo de Limia
A súa participación en The Voice Portugal representa un fito especial para Esmeralda Fernández, que vive esta experiencia como unha oportunidadepara dar visibilidade a Xinzo de Limia e á comarca fóra de Galicia.
O apoio da veciñanza e dos seus seguidores non deixou de medrar desde que se coñeceu a súa incorporación ao concurso, onde continúa o seu camiño da man de Fernando Daniel. A artista converteuse así nun motivo de orgullo para a Limia e nun exemplo de constancia e esforzo na procura do seu soño musical.