A mañá do 28 de xullo, a escultura do galego Francisco Asorey foi recibida por parte do presidente da Xunta Alfonso Rueda, a alcaldesa de Santiago de Compostela Goretti Sanmartín, o conselleiro de cultura José López Campos así como por outros convidados.
A obra regresou definitivamente a Galicia onde poderá visitarse na capital galega, concretamente no Museo Gaiás da Cidade da Cultura. Nela represéntase a unha labradora espida cun xugo sobre os seus ombros, dándolle isto un gran valor histórico e artístico en Galicia.
Aínda que a escultura foi creada no 1926, fai 100 anos, foi mercada e trasladada fóra de Galicia en 1951. A colectividade galega emigrante que vivía en Montevideo mercou a obra e desta maneira a ‘Santa’ puido verse durante máis de sete décadas na Casa de Galicia da capital uruguaia.
Sen embargo, no 2022, o Goberno autonómico adquiriu a figura no marco do proceso concursal da institución galega en Montevideo, adquirindo tamén outros fondos documentais e bibliográficos. Nese momento, a obra ía pasar ao Museo Zorrilla de Montevideo pero decidiron trasladala a Galicia para garantir a súa adoitada contextualización e estudo.
Será a segunda vez que a obra poda verse na capital, pois fora exposta por motivo da exposición ‘Galicia’ coa que recibira máis de 46.000 visitas na Cidade da Cultura. Agora, o seu traslado constitúe «o primeiro paso, a primeira pedra porque esta escultura representa perfectamente ese Galicia da que nos sentimos tan orgullosos, e que nos permite mirar para o futuro sen perder nunca de vista o lugar do que vimos», tal e como explicou López Campos no recibimento da peza.
Doutra banda, o director do Museo de arte contemporáneo de Vigo, Miguel Fernández-Cid desvelou durante a xornada que hai outra escultura de Asorey, ‘A naciña‘, que «probablemente, en breve tamén esté en disposición de vir». Polo de agora toca desfrutar desta nova xoia do patrimonio galego.
