O Caudal Fest continúa a dar forma ao seu cartel para 2027 co anuncio de que La Oreja de Van Gogh será o gran cabeza de cartel do festival que se celebrará os días 17 e 18 de setembro no entorno do Pazo de Feiras e Congresos de Lugo.
A banda chega a Lugo nun momento que esperta unha forte expectación entre o público tras o regreso de Amaia Montero este ano e a súa xira de reencontro. No Caudal Fest, o grupo repasará case tres décadas de éxitos que marcaron a historia do pop en castelán, segundo destaca a información oficial do festival.
A incorporación de La Oreja de Van Gogh reforza unha edición que xa conta con nomes destacados da escena indie e pop estatal, como Viva Suecia, Sidonie, Niña Polaca, Puño Dragón, Gara Durán ou Rata, artistas confirmados previamente pola organización.
O festival, consolidado como unha das grandes citas musicais do final do verán en Galicia, avanzou que nas próximas semanas se anunciarán novas incorporacións para completar o cartel de 2027 e aposta por artistas de primeiro nivel.