A Casa Grande de Xanceda non poderá contar este ano co seu tradicional ecolabirinto, unha iniciativa que veñen levando a cabo dende hai anos na que, grazas á agricultura de precisión, crear un labirinto no millo que, ademais de representar unha figura que se pode ver a vista de paxaro, tamén se pode percorrer a pé.
Porén, este ano non se poderá disfrutar: este mércores o seu capataz, Vicente, anunciaba que este ano sería imposible crealo porque «houbo quen o disfrutou moito antes que nós». E quen foi? Pois dúas pragas: a do verme rosquilla, primeiro, e a do verme gusano despois.
Tal e como detallaba, na Casa Grande de Xanceda seguen unha filosofía ecolóxica, polo que utilizan ningún tipo de insecticida. Así, tan só poden empregar o spintor, un produto que «atonta ao gusano para darlle unha oportunidade ao millo para que creza». Aínda así, isto non sempre funciona, como neste caso.
A través do seu vídeo pode verse o destrozo causado no ecolabirinto, unha iniciativa que fan dende hai anos na granxa para que as familias visiten Xanceda e gocen dunha xornada entre a natureza. Iso si, xa están «pensando no do vindeiro ano».
