O Concello de Cariño repartirá máscaras entre os traballadores, tanto para aqueles que xa retomasen a día de hoxe a súa actividade laboral como para os que teñan previsto renovala a partir da próxima semana. Tamén esta pendiente o reparto do material de protección entre os nenos do municipio, anunciado a pasada semana.
Tras a repartición de máscaras e pantallas protectoras levado a cabo durante as fases máis duras do Estado de Alarma entre os traballadores de servizos básicos, agora a entrega enfócase aos colectivos profesionais que se incorporaron recentemente ao traballo ou vaian facelo a próxima semana na Fase 0 da desescalada anunciada polo Goberno.
Estas máscaras das que dispón o Concello son reutilizables e están fabricadas artesanalmente pola coñecida deseñadora ferrolá María Barcía. Adicionalmente, tamén se conta con medio centenar de pantallas que serán entregadas baixo demanda. Mañá sábado día 2 de maio abriranse as oficinas municipais para comezar a repartición a empresarios dos diferentes sectores, a excepción do pesqueiro, que se levará a cabo coa colaboración coa Confraría de Pescadores.
