As festas de Vilachá, en Boborás, non son as mesmas se non fai acto de presenza a porca brava Sofía. Desta vez sorprendeu aos veciños nunha nova xuntanza levándose nada máis e nada menos que… un polbo enteiro.
Pero non é a primeira vez que aparece: na noite de San Xoán sorprendeu aos veciños na súa sardiñada. Estes, ben hospitalarios, decidiron tratala como unha máis e convidárona a un par de sardiñas para desfrutar da tradición. Daquela vez, a alcaldesa de Boborás, Patricia Torres, asegurou que «aparece sen avisar e sen estar convidada». Pouco despois descubriron que se trataba dunha femia e que tivera catro xabatos.
«A este paso, para a próxima xuntanza van ter que contar con ela á hora de calcular as racións», aseguraba a alcaldesa nas súis redes sociais.