Do azul do Dépor ou o violeta polo Día da Muller, a Torre de Hércules poderá vestir ambas cores a partir de agora. O faro romano máis antigo en funcionamento e símbolo total dos coruñeses vén de estrear un novo sistema de iluminación LED -menos contaminante que o anterior- que permitirá tinguir o monumento segundo o que celebren os habitantes herculinos.
Unha iluminación sostible e responsable
O novo sistema presentado onte, xunto coa renovación das sendas que dan acceso á Torre, forma parte do proxecto de Turismo de Galicia no marco do Plan Xacobeo Next Generation. O director de Turismo de Galicia, Xosé Merelles explicou que supón unha renovación completa do sistema ornamental da Torre, con equipos LED que «permitirá ofrecer opcións decorativas e dinámicas para acompañar celebracións e actividades socioculturais».
Ademais explicou xunto á delegada da Xunta en A Coruña, Belén do Campo, a maior eficiencia do sistema, pois permitirá reducir o consumo enerxético do faro. Tal e como asegurou Merelles, «é un paso máis cara unha maior sostenibilidade turística do destino«.
Doutra banda, onte tamén tivo lugar a inauguración dos sendeiros que circunvalarán a Torre, os cales serán «máis seguros, máis duraderos e, sobre todo, máis accesibles«. Esta actuación permitirá habilitar un recorrido continuo, dende a glorieta hacia ao mar, ampliando a anchura nalgúns tramos.
#Coruña – Hoy se inauguró la nueva iluminación led 💡 de la Torre de Hércules.
— Eloy TP (@EloyTP) August 10, 2026
Vídeo 📹▶️ del momento del encendido y de sus nuevos efectos de colores 🌈
✨ pic.twitter.com/GrsgScJyZU
O proxecto será completado a partir de septiembre, tal e como acordou o Goberno galego co Concello da Coruña, pois aínda faltan outras actuacións que están orientadas a dar a coñecer o xacemento arqueolóxico e á conversación dos elementos estruturais. En total desembolsarán 900.000 euros.