Fisterra acolle esta fin de semana as VIII Xornadas Micolóxicas na Fin do Mundo, nas que haberá unha saída ó monte para recoller cogomelos, unha exposición na que se exhibirán tanto estes como traballos escolares e unha degustación
O sábado ás 10:00 horas será a quenda da saída ó monte, que partirá dende a planta baixa do Concello, ó carón do centro médico. Recomendase vestir roupa cómoda e preparada en caso de choiva e levar unha cesta e unha navalla.
Xa o domingo chegará a segunda xornada, nas que se poderá visitar de 16:00 a 20:00 horas unha exhibición cos cogomelos recollidos o día anterior, na que tamén haberá traballos feitos polo alumnado dos centros escolares de Fisterra e Sardiñeiro.
A exhibición estará na planta alta do Mercado Municipal de Fisterra, onde a partir das 19:00 horas tamén haberá unha degustación de varios pratos nos que o cogomelo será o ingrediente principal. Estas xornadas micolóxicas están organizadas polo Concello de Fisterra e a Asociación Micolóxica Naturista Pan de Raposo.
