Con motivo do Día do Libro, o CEIP A Barqueira, en Cerdido vai poñer en marcha unha iniciativa titulada «Lectura Trouleira», un club de lectura que conta cunha versión para nenos e nenas e outra versión para adultos. Na primeira das quendas participarán catorce escolares, o que supón o 84% do alumnado de 5º e 6º de Primaria (para o que estaba destinado o club), mais dous alumnos extra que non lles correspondía por idade, pero que foron incluidos por petición deles. Entre os libros favoritos dos pequenos están ‘Os Raspiñeiros’ ou ‘A emperatriz dos etéreos’.
Do mesmo xeito, o club de lectura de adultos reúnese unha vez ao mes e conta con once familias e tres mestras. Cómpre destacar que a iniciativa está aberta a tódalas persoas do entorno de Cerdido, como forma de achegar o centro escolar á comunidade. Ademáis, a participación pode realizarse telemáticamente, a través da aula virtual do centro, para aquelas familias que queren participar pero lles resulta complicado asistir. Tamén poden lerse as impresións dos libros a través da páxina web oficial do centro, onde destacan obras como ‘Os pazos de Ulloa’ ou ‘O canto do Cuco’.
