Despois de que esta segunda onda de contaxios na área sanitaria de Ferrolterra continuara co seu crecemento progresivo diariamente, parece que nos últimos días a situación está a calmarse. Onte coñecíase un leve descenso na curva de positivos, despois de que a cifra total reducírase de 182 a 181 contaxios. Segundo os datos actualizados pola Dirección Xeral de Saúde Pública da Consellería de Sanidade, nestas últimas 24 horas o número total de positivos descendeu a 176.
6 casos menos pero 7 novos contaxios
A pesar de que a cifra de contaxios parece adoptar xa unha curva descendente, o número total de positivos diarios non deixa de ser preocupante. Neste venres 18 de setembro coñeceuse un total de 7 novos pacientes afectados polo coronavirus a pesar de contar con 13 altas epidemiolóxicas. Aínda así, a situación na área sanitaria de Ferrolterra parece estabilizarse.
Preocupación nos centros hospitalarios
Nesta segunda onda producida pola Covid-19 o panorama nos centros hospitalarios das comarcas de Ferrolterra está a ser moito menos preocupante que nos datos rexistrados en pleno confinamento, pero nos últimos días o número de hospitalizados non diminúe.
En comparación coas cifras de onte, o número de pacientes ingresados no Complexo Hospitalario Universitario de Ferrol -CHUF- aumentou a dous. En total son 8 os infectados que se atopan baixo asistencia médica, seis en unidade de hospitalización e dous na unidade de coidados intensivos.
Os 168 contaxiados restantes atópanse en mellores condicións pasando o virus nos seus respectivos domicilios. Son un total de 197 os casos non activos ou curados, e a cifra de falecidos mantéñense nos 33.
Discussion about this post