A partir deste sábado 1 de agosto os veciños de Valdoviño poderán recuperar a vixencia da zona azul gratuíta na contorna da Porta do Sol. Unha vixencia que quedara suspendida durante o estado de alarma sanitaria imposta pola Covid-19.
A zona azul permite o estacionamento de balde un máximo de hora e media de luns a venres de 10:00 a 14:00 horas e de 16:00 a 20:00 horas, mentres que os sábados a súa vixencia redúcese ás mañás -de 10:00 a 14:00 hora-.
O obxectivo desta nova medida adoptada dende o goberno municipal é o de mellorar a mobilidade na zona do centro urbano, onde hai un tráfico intenso polo emprazamento de diferentes superficies comerciais, negocios de hostelería e tamén despachos profesionais.