Descarga o programa do XII Feirón Medieval dos Andrade
Xa está todo preparado para recuperar na súa totalidade o noso Feirón Medieval dos Andrade os días 1, 2 e 3 de xullo. Case un centenar de postos de artesanía e alimentación, o rincón infantil, música medieval, teatro, pasarrúas, danza, xograres, marionetas xigantes e concertos inundarán as rúas do casco histórico.
Unha pregoeira de luxo, a actriz galega Lucía Veiga dará o pistoletazo de saída para reencontrarnos co noso pasado medieval. E este ano, ademáis, o cartel fai referencia á valentía das damas e cabaleiros de Pontedeume ante os incendios que devastaron a nosa vila e ao seu tesón para acadar a súa reconstrución.
Concurso de fotografía e debuxo
Este ano, ademáis, as instantáneas do feirón poden ter premio, xa que o Concello organizou un concurso de fotografía. Premiarase a fotografía máis orixinal realizada durante O Feirón Medieval Dos Andrade 2022. A participación será desde a rede social Instagram co hashtag #Feironmedievaldosandrade2022. A gañadora ou gañador decidirase o domingo ás 15:00 horas e o premio será unha cea para dúas persoas na taberna do Mercado o mesmo día.
Como no pasado ano, tamén haberá un concurso de debuxo dirixido ao público infantil, as e os participantes deberán entregar o debuxo relacionado co Feirón no punto de información. É necesario indicar un teléfono de contacto e o domingo ás 15:00 horas saberemos quen é a gañadora ou gañador cun premio cheque regalo de 30 euros para canxear no Feirón Medieval Dos Andrade 2022.
De cara á montaxe de atraccións, postos e establecementos de alimentación deseñouse o operativo necesario de retirada de vehículos das diferentes prazas e rúas do casco histórico de cara a garantir un correcto desenvolvemento das diferentes instalacións, saídas e servizos de emerxencias e xestión e tratamento de residuos.
A planificación de retirada de vehículos é a seguinte: O xoves 30 de xuño despexaranse as rúas Couceiro Freijomil, praza de Rosalía, praza de España, praza do Conde, praza de San Roque, rúa Corredoiras das Virtudes, avenida de Rajoy e na rúa Fene soamente estará permitido o aparcamento no lado dereito
en sentido de baixada.
Discussion about this post