Un empresario anónimo da comarca realizou hoxe unha importante doazón de material para a residencia da terceira idade Mi Casa, no barrio de Canido, en Ferrol, que xestiona a asociación do Padre Ángel Mensaxeiros da Paz.
Este doante anónimo púxose en contacto coa Garda Civil para facerlles entrega de 200 pantallas faciais protectoras e dous ordenadores para que os residentes poidan poñerse en contacto cos seus familiares a través de videochamadas. O capitán da Compañía de Ferrol foi o encargado de entregar o material.
