Nestes tempos de confinamento, para moitos veciños calquera excusa parece boa para sair da casa: dende facer a compra varias veces ao día ata pasear o can despois de cada comida. Pero a imaxinación deste veciño do Ensanche vai máis alá do imaxinable.
O home, que reside nun edificio entre a rúa Pintor Bello Piñeiro e a rúa Enxeñeiro Sánchez Bort, decidiu sair pola pequena ventá do tellado e colocarse no alto do edificio a facer unha rutina de exercicios físicos matutina ante a incredulidade dos veciños.
