A área sanitaria de Ferrol rexistrou hoxe un pequeno repunte no número de contaxios por coronavirus respecto ao día de onte. Son once novos casos rexistrados que deixan un total de 338 veciños que padecen ou padecero ata o momento o coronavirus. Son 11 máis que o domingo, polo que o incremento deste 3,3% está detro do crecemento medio de contaxios que se vén producindo dende o 1 de abril.
Dos positivos, 292 atópanse nos seus domicilios con sintomatoloxía leve e só 46 permanecen ingresados nos hospitais de Ferrol. Destes, 11 están máis graves nas unidades de coidados intensivos e o resto en planta.
O Sergas tamén informou dun novo falecemento por coronavirus. A nova vitima mortal é unha muller de 88 anos que permanecía ingresada no CHUF e que padecía patoloxías previas. Con ela son xa 18 os falecidos por coronavirus dende o inicio da crise.
