A área sanitaria de Ferrol reduce por carto día consecutivo o número de casos activos por coronavirus ata situarse nos 147 doentes contaxiados. Isto supón que xa son 373 persoas as que superaron o virus desde o inicio da pandemia nas comarcas. Os dato ofrecidos pola Dirección Xeral de Saúde pública contabiliza 11 ingresados no Arquitecto e 4 persoas na UCI a causa do Covid-19.
Outras das cifras que se mantén estable é a do número de vitimas mortais polo virus. Ata o momento son 27 casos, entre os rexistrados nos centros hospitalarios e nos centros de maiores. O último falecemento foi o pasado día 27 de abril, polo que xa son sete días sen ningunha morte relacionada co Covid-19.
Na última actualización do Sergas, o número de casos activos de coronavirus en Galicia ascende a 3.187, deles 771 son da área da Coruña, 222 da de Lugo, 613 da de Ourense, 186 da de Pontevedra, 773 da área de Vigo e 475 da de Santiago.
Máis dunha semana despois do inicio do estudo de seroprevalencia, no que o Sergas está a usar ducias de miles de probas de anticorpos, o Goberno galego aínda non anunciou ningún resultado, oficialmente. Extraoficialmente, filtrouse que os positivos por esta vía son moi poucos.
