O Concello de Ferrol, a través da concellería de Medio Ambiente dirixida pola edil, Ana Lamas, vén de adxudicar un contrato para facer traballos de mantemento e conservación das zonas verdes públicas do Bertón, o Montón e do centro cultural Torrente Ballester por un importe total de 13.471,92 euros.
Tal el como explicou a concelleira, ditas zonas non estaban incluídas no contrato de mantemento do ano 2013, polo que o goberno local vén de contratar traballos para a súa conservación con fin de «coidar» ditos espazos e dar resposta ás demandas veciñais. Tanto o parque traseiro do Torrente Ballester como a zona do Bertón e o Móntón, entre outros espazos, estarán incluídos no novo prego do contrato de Xardíns, no que a concellería de Medio Ambiente está a traballar de forma “intensa”, tal e como explicou Lamas.