A concellería de Seguridade de Ferrol vén de iniciar os trámites para solicitar á Agencia Estatal de Seguridad Aérea -AESA- os permisos correspondentes para realizar voos co dron que o corpo de Bombeiros acaba de adquirir recentemente en puntos concretos da cidade susceptibles de acoller niños de vespa velutina.
Calor como puntos de referencia
O novo dron conta cunha cámara con capacidade de visión térmica, o que fai posible detectar focos de calor aínda que non se poidan observar directamente. Desde a concellería de Seguridade indican que os niños de vespa velutina rondan os 35 grados de temperatura, polo que detectar esa diferencia respecto a outros elementos do entorno arroxa información moi valiosa de cara á localización dos niños.
Niños na Praza de Armas
O corpo de Bombeiros revisou esta mesma mañá o entorno da praza de Armas, onde se localizaron varios exemplares. Neste senso, desde a concellería de Seguridade fan un chamamento á cidadanía para que informe sobre posibles niños no número de teléfono 112. Ata o momento, o corpo de Bombeiros atendeu o 100 % dos avisos recibidos a través desta canle.