A Deputación da Coruña inicia estes días a unha campaña voluntaria de recadación de fondos entre o persoal funcionario e os membros de corporación provincial para apoiar a investigación de vacinas e tratamentos médicos fronte ao Covid-19 que se están a levar por parte de equipos científicos multidisciplinares da Universidade de Santiago de Compostela (USC).
A iniciativa e a conta bancaria solidaria aberta (ES22 2080 0388 2031 1000 3189) para esta iniciativa foi comunicada a todo o persoal, sindicatos e grupos políticos e está recibindo xa as primeiras doazóns por parte dos traballadores e representantes políticos da Deputación da Coruña.
Con este xesto, os traballadores da Deputación da Coruña queren achegar o seu «gran de area na procura dunha vacina ou un tratamento eficaz contra o virus que provocou esta terrible pandemia», explicaron nun comunicado.
