O espazo gastronómico El Dieciocho, no Outlet Área Central de Santiago, conta agora cunha das mellores pizzerías de Europa grazas ao compostelán Julio Gómez.
A prestixiosa guía 50 Top Pizza, considerada referencia mundial no sector, anunciou xa a clasificación das mellores pizzas deste ano 2026 a nivel europeo. Situando a mellor pizza en Londres, o espazo galego de Oura Pizza pode presumir do seu posto número 14 do continente, e do cuarto a nivel España. Desta maneira, o establecemento convertese na única pizzería galega do ranking europeo.
Ademais, a guía tamén recoñeceu o traballo do equipo de Oura Pizza con outras dous distincións: Perfomance of the Year e Green Oven 2026, onde valoran tanto a evolución do proxecto como o seu compromiso cunha cociña máis sostible.
Que leva a mellor pizza galega?
O establecemento de Julio Gómez trata de amosar a conexión entre Galicia e o sur de Italia, moi conectados por unha forte tradición de emigración. O cociñeiro, antes afincado en Barcelona, volveu á súa terra para mellorar a súa pizza con método, experiencia e respeto pola tradición.
Deste xeito, a pizza gañadora amosa a gran calidade do produto galego. Sobre unha base de umami poden atoparse produtos como o porco celta, o bonito de burela, os pementos de padrón, e queixos como o Galmesano ou o azul de San Sadurniño. Xunto a esta selección de pizzas, Oura Pizza ofrece unha carta de viños que percorren Galicia e postres tamén vinculados á comunidade como tartas de queixos locais ou tiramisús con crema de oruxo.
A morriña devolveulle a Galicia
Tal e como din eles, non se pode falar de Oura Pizza sen falar de Cruel Pizza. As orixes da pizza de Julio Gómez remóntanse a 2021, en Pineda de Mar (Barcelona). Na cidade condal o cociñeiro traballaba con take away con produccións limitadas e sempre baixo reserva. Pouco tempo despois, o establecemento conseguiu un posto entre as 100 Mellores Pizzas de España por Madrid Fusión.
O local, tanto en 2024 coma en 2025, xa conseguira entrar na guía do Top 50 como unha das Mellores Pizzerías Independentes de España e tamén na categoría de Pizzería Excelente de Europa.
Tras isto, o chef pizzaiolo decidiu volver a súa cidade, Santiago de Compostela, co obxectivo de traer unha pizza de máximo nivel coa que puidera crear unha ponte entre a cidade, a xente e o produto local.
Agora, o Oura Pizza, situado no establecemento El Dieciocho, ten un obxectivo claro: conseguir situarse dentro das 100 mellores pizzerías do mundo na próxima gala 50 Top Pizza World 2026 do 15 de setembro en Nápoles.
