As tarefas de mantemento previstas por Naturgy no encoro dos Peares provocarán cambios temporais no funcionamento das rutas turísticas en catamarán da Ribeira Sacra. A diminución do nivel de auga, que comezará o vindeiro 12 de outubro, afectará especialmente aos percorridos que parten do embarcadoiro de Belesar, no municipio do Saviñao.
A suspensión das rutas e o control da evolución
O descenso do nivel de auga responde a unha serie de actuacións técnicas na infraestrutura hidroeléctrica dos Peares, que se desenvolverán entre outubro e decembro. Segundo informou a Deputación de Lugo, a baixada do encoro impedirá garantir as condicións axeitadas para a navegación na ruta do Miño durante varias xornadas programadas para este mes. Por este motivo, as viaxes previstas inicialmente para os días 12, 17 e 18 de outubro non poderán realizarse nas condicións habituais.
A evolución da situación será supervisada de maneira periódica co fin de determinar se as condicións permiten recuperar a actividade normal no menos posible. A empresa que xestiona o servizo de catamaráns realizará avaliacións durante as últimas fins de semana de outubro para comprobar o estado do encoro e decidir se é posible retomar os percorridos polo Miño con garantías de seguridade.
A ruta fluvial do Sil como alternativa
Para minimizar as molestias, ofrécese ás persoas que xa dispoñían dunha reserva a opción de participar na ruta fluvial do Sil, con saída dende o embarcadoido do Ponte do Sil, sempre que haxa prazas dispoñibles. Este servicio opera de mércores a domingo con diferentes frecuencias e conta con dúas embarcacións que permiten atender unha maior demanda de visitantes.
A tempada de rutas fluviais da Deputación está prevista, en principio, ata o próximo 8 de decembro. As persoas interesadas poden obter información actualizada sobre horarios, dispoñibilidade e reservas a través da plataforma oficial das rutas fluviais da Ribeira Sacra ou dos canais de atención ao público habilitados por parte da administración provincial.