A produtora galega Vaca Films está á procura de figurantes para participar na rodaxe da súa próxima longametraxe, que se desenvolverá durante os meses de xuño, xullo e agosto.
Segundo informa Toma Extra Casting, encargada do proceso de selección, a convocatoria está dirixida a persoas contratables que residan en Santiago de Compostela, A Coruña e outras localidades da contorna. A organización busca perfís «de todo tipo», con idades comprendidas entre os 18 e os 98 anos.
As persoas interesadas en formar parte deste novo proxecto audiovisual deberán formalizar a súa inscrición a través da ligazón habilitada na biografía de Instagram de Toma Extra Casting. Dende a empresa de casting tamén solicitan que a difusión desta oferta se limite a grupos e canles de Galicia, evitando compartila en espazos xerais de castings ou destinados a persoas doutros territorios.
Vaca Films é unha das produtoras audiovisuais máis recoñecidas do panorama audiovisual galego, con títulos de éxito como ‘Clanes’, ‘Celda 211’ o ‘Quien a hierro mata’, polo que esta convocatoria supón unha oportunidade para aquelas persoas que desexen vivir de preto a experiencia dunha rodaxe profesional.
