O Concello de Ferrol continúa coa programación de actividades durante as fins de semana nos mercados municipais co fin de dinamizar as prazas de abastos da cidade, incentivar o consumo de proximidade e atraer a toda a familia. Por elo, tal e como anunciou esta mañá o concelleiro de Mercados, Germán Costoya, o Concello activa un novo programa de propostas que comeza esta fin de semana, 18 de febreiro, no mercado da Magdalena cun obradoiro de cociña para nenos de entre 4 e 12 anos, ás 11 horas.
A oferta continúa os días 20 e 22 de febreiro coa celebración do Gran Xogo do Entroido. O luns 20 a cita será no mercado de Caranza e o mércores 22 no de Recimil, ambas ás 11:00 horas. Neste actividade, tamén para nenos de entre 4 e 12 anos, é imprescindible acudir disfrazado. No mes de marzo volverán os obradoiros de cociña, o día 11 ao mercado de Caranza e o día 25 ao de Recimil, ambos ás 11 horas, e o 18 de marzo Magín Blanco estará ás 12:00 horas no mercado da Magdalena co espectáculo ‘Caderno de Cores e Cancións’, un concerto participativo no que convida aos máis pequenos a achegarse ao proceso creativo e a xogar cos elementos que compoñen as cancións.
Con este plan de propostas o Concello busca “converter os mercados municipais en lugares de encontro” ao tempo que fomentar entre toda a familia “a adquisición de produtos saudables e de proximidade”, explicou Costoya. É necesaria a inscrición previa completando o formulario que se atopa no enlace: https://form.jotform.com/230432843361046 ou a través do WhatsApp no número 604 064 570, onde se resolverán as dúbidas.
