A cabalgata de Entroido do Concello de As Pontes congregada cada ano a miles de veciños que participan nas comparsan con grupos de amigos e veciños para percorre as rúas da vila cos seus mellores disfraces e cheos de troula. Nesta edición, que vaise celebrar o martes 25 de febreiro, o Concello repartirá máis de 6.500 euros entre as persoas participantes.
O xurado terá en conta na súa valoración aspectos como a orixinalidade, o vestiario, a maquillaxe, a calidade musical ou a coreografía para outorgar os premios ás mellores carrozas, con 700, 550, 300 e 200 euros para os catro primeiras clasificadas. Haberá dúas modalidades para os grupos en función do número de integrantes. De tal xeito que, os grupos de entre 3 e 9 persoas optarán a premios de 350, 250 e 150 euros mentres que, entre as agrupacións de 10 ou máis membros repartiranse catro premios de 500, 400, 200 e 100 euros.
Ademais, o Concello de As Pontes premiará ás catro primeiras parellas adultas clasificadas con 175, 150, 100 e 75 euros, respectivamente e, a nivel individual, as persoas adultas que tomen a saída no desfile poderán gañar 125, 100, 75 e 50 euros se se sitúan entre os catro disfraces máis valorados polo xurado. Como en edicións anteriores, As Pontes tamén premiará aos participantes máis novos: na categoría infantil haberá sete premios, de 150 euros cada un, para os grupos, e outros tantos para as parellas e os participantes individuais, dotados con 75 euros e 50 euros, respectivamente, cada un deles. Aos participantes na categoría “menores de 8 anos” entregaráselles un conto. Aos premiados nas categorías infantís entregaráselles un vale trocable por libros, material, xogos educativos e didácticos.
A cabalgata de entroido partirá ás 17:00 horas da Rúa Monte Caxado para realizar, a continuación, un percorrido que discorrerá pola Avenida de Ortigueira, Avenida de Vilalba, Rúa Celso Emilio Ferreiro para finalizar no pavillón polideportivo municipal, lugar onde se efectuará a entrega de premios.
Todas as persoas interesadas en participar no desfile de disfraces poden inscribirse, ata o luns, 24 de febreiro, ás 12:00 horas no rexistro xeral do Concello de As Pontes ou ben a través da dirección web www.sede.aspontes.com.
- Toda a información atópase nas bases completas da Cabalgata de Entroido 2020 .
