O Concello de Ares loce dende onte as súas bandeiras a medio mastro en sinal de loito polas vítimas do coronavirus. En medio das peticións dalgúns partidos políticos e institucións sobre a declaración dun loito oficial no Estado español, o alcalde Ares, Julio Iglesias, decidiu adiantarse e baixar as enseñas de Galicia, España e da Unión Europea esta mesma mañá.
O rexedor socialista explicou que aínda que «é tempo de ocuparse institucionalmente, sobre todo, dos vivos, iso non é incompatible con acordarse, igualmente de maneira institucional, dos nosos mortos».
«Estou seguro de que todos reflexionamos persoalmente e a diario sobre o drama dos falecidos polo Covid-19 e as súas familias. E como as bandeiras a medio mastro represéntannos a todos, con elas queremos reforzar ese sentimento persoal que tamén é común a toda a comunidade Aresá», argumentou.
Julio Iglesias insistiu en que este xesto se fixo sen prexuízo de sumarse máis adiante ao duelo que no seu momento poidan acordar as autoridades estatais, autonómicas e municipais a través dos seus respectivos órganos de goberno.
