O Concello de Ferrol celebrou onte unha nova comisión de terrazas, que desde o inicio da fase 1 da desescalada ten unha periodicidade semanal precisamente para axilizar o estudio da viabilidade de cada unha das solicitudes presentadas por donos de locais para ampliar ou modificar a distribución das súas terrazas e tamén para coñecer a marcha da súa apertura.
Un total de 35 propietarios de establecementos da cidade requiriron xa ao Concello autorización para colocar máis mesas e caldeiras na rúa, que foron estudiadas de forma individual na reunión de onte. Tras analizar caso por caso, o departamento de Urbanismo resolve.
O edil Julián Reina firmou o pasado 8 de maio un decreto polo que se ordenaba a “tramitación administrativa preferente” e a axilización das xestións destas solicitudes para incrementar ou modificar as terrazas de acordo coa ordenanza reguladora das mesmas. Dito decreto tamén autoriza de forma automática e con carácter xeral aos propietarios dos establecementos a ampliar o espazo o “mínimo indispensable” para colocar o 50 % das súas terrazas mantendo os dous metros de distancia de seguridade.
Reina explicou que desde a súa concellería se está pendente das novidades respecto á regulación que afecta aos locais en función das distintas fases da desescalada. De igual modo insistiu na necesidade de que “todos respectemos as medidas de seguridade e manteñamos a distancia establecida”.
