A Policía Nacional detivo a un individuo de 46 anos de idade, veciño de Narón, con antecedentes policiais, por un delito contra a saúde pública cando circulaba co seu vehículo en cuxo interior portaba
case quilo e medio de cocaína.
A primeiras horas da mañá do día 11 de maio axentes da Policía Nacional da Comisaría Provincial de Pontevedra, levaron a cabo un operativo que culminou coa detención dunha persoa, que transportaba na furgoneta que conducía a cocaína incautada polos axentes policiais.
O vehículo foi interceptado polos axentes cando circulaba pola nacional 640 dirección Villagarcía de Arousa cara ao acceso á peaxe da autoestrada A-9, na localidade de Caldas de Reis, Pontevedra.
Esta operación é o resultado de varios meses de investigación por parte das Unidades de Droga e Crime Organizado (UDYCO) da Policía Nacional de Pontevedra, que está a investigar a persoas que estarían a viaxar desde o norte de Galicia, concretamente desde a localidade de Ferrol e a súa contorna á zona da comarca do Salnés para adquirir importantes cantidades de cocaína.
naO detido foi foi posto ao dispor do xulgado de Caldas de Reis, Pontevedra, quen decretou o seu ingreso en prisión. A operación continúa aberta e non se descartan novas detencións.
