Gadis pon en marcha por oitavo ano consecutivo a campaña “Maio Solidario”, en 2020 dentro do marco do programa #GadisColabora. Os Gadis de Ferrol (6), Narón (2), Fene (2), As Pontes (2), Pontedeume, Ortigueira e Cedeira únense a esta iniciativa de Responsabilidade Social Corporativa cuxo obxectivo é recoller produtos non perecedoiros para once bancos de alimentos de Galicia e Castela e León, entre eles o de Ferrol. Ata o 31 de maio estará operativa a recollida de produtos non perecedoiros nos puntos de venda do supermercado.
Nesta ocasión, e debido ás actuais circunstancias, a compañía instalará e sinalizará os espazos habilitados para que os clientes poidan realizar as súas doazóns sen a presenza de voluntarios nos puntos de venda para manter a seguridade de todos. Atendendo as peticións dos bancos de alimentos, Gadis priorizou a entrega de leite, galletas, cereais, conservas, aceite, legumes e arroz, o que supuxo máis de 40.000 unidades de produto.
