As máquinas comenzaron a traballar onte nas aldeas de Albarón e Mourela Baixa, reactivándose así os traballos na red viaria municipal interrompidos polas restriccións impostas polo estado de alarma a raíz do COVID-19. Alí o Concello de Neda procederá ao acondicionamento de catro viais moi transitados. Para iso, investirá 50.566 euros, a financiar con cargo ao POS+ Adicional da Deputación. As actuacións levaranse a cabo no camiño de baixada do vial provincial DP-5502 cara o Belelle (As Augas); camiño de As Augas ata Mourela Baixa (no lugar da Piruchela); viais de acceso a rueiros en Piruchela e subida cara Mourela, e camiño cara A Pontegrande.
As obras contemplan a limpeza de cunetas, traballos cos que se comenzaron esta semana; tarefas de rebacheo e a pavimentación dos viais, así como a instalación de canaletas para a recollida de pluviais, tamén no fronte de entrada ás vivendas, e a instalación de conducións de PVC de transporte de pluviais.
Con estas intervencións, o Concello busca dar resposta ao estado de deterioro dos viais motivado polo intenso tráfico que soportan, ofrecendo unha solución permanente no tempo, reducindo os gastos de mantemento actuais e mellorando a mobilidade nestas zonas.
