O Boletín Oficial da Provincia publicou hoxe as bases reguladoras do programa de axudas ao impulso
económico e protección do emprego PAME-Ferrol, que puxe en marcha o goberno de Ángel Mato o pasado mes de abril cunha dotación de 2 millóns de euros.
O obxectivo desde programa, tal e como figura nas bases é «a convocatoria pública das axudas e subvencións para impulsar a actividade económica outorgando liquidez ás empresas da cidade e contribuíndo a facilitar o cumprimento das súas obrigas empresariais, mantemento da actividade e emprego e amortecer a redución drástica de ingresos».
Respecto as axudas que poderán recibir as pemes e autónomos, concederase unha contía fixa de 1.500 euros para persoas físicas e xurídicas con ou sen traballadores ao seu cargo cando a actividade que desenvolvan se tivese visto afectada polo peche de establecementos disposto no RD 465/2020 de 17 de marzo que modificou o artigo 10 do RD 463/2020 de 14 de marzo.
Ou unha contía fixa de 1.000 euros a aquelas persoas físicas ou xurídicas con ou sen traballadores ao seu cargo que non se viron afectados polo peche de establecementos disposto no RD 465/2020 de 17 de marzo que modifica o artigo 10 do RD 463/2020 de 14 de marzo, a condición de que sufran unha redución da súa facturación no mes anterior á solicitude desta subvención de polo menos o 75%, en relación coa media efectuada no semestre natural anterior á declaración do estado de alarma.
Ademáis, incrementaranse en 120 euros por persoa traballadora, no caso de ter ata 9 traballadores (inclusive), en 100 euros por persoa traballadora, no caso de ter desde 10 a 20 traballadores (inclusive) e en 70 euros por persoa traballadora, no caso de ter de 21 a 49 traballadores (inclusive) a data de 1 de marzo de 2020.
O próximo venres día 8 publicarase o extracto da convocatoria, que marcará o inicio do prazo de presentación de solicitudes que, neste caso, será de 20 hábiles a partir do luns día 11.
